Հայաստանի 4-րդ միջազգային բուժքույրական կոնգրես․ Գլոբալ բուժքույրական առաջնորդություն․ առաջնորդել անորոշության պայմաններում

Կոնգրեսի հիմնական նպատակն է նպաստել պացիենտների անվտանգության և առողջապահական ծառայությունների որակի բարձրացմանը՝ զարգացնելով բուժքույրական առաջնորդությունը, կրթությունն ու նորարարական մոտեցումները։ Միջոցառումը միտված է պատրաստելու բուժքույրերին արդյունավետ գործելու փոփոխական և անորոշ պայմաններում՝ ակտիվ դեր ունենալով առողջապահության ապագայի ձևավորման գործում։

Մեր նպատակն է

• Վերահաստատել բուժքույրերի կարևոր նշանակությունը պացիենտների անվտանգության, առողջապահական համակարգի կայունության և արդյունավետ աշխատանքի ապահովման գործում։
• Ներկայացնել ժամանակակից, ապացուցահեն և մարդակենտրոն մոտեցումներ, որոնք նպաստում են բուժօգնության որակի և արդյունքների բարելավմանը։
• Խրախուսել միջազգային համագործակցությունը, մասնագիտական փորձի փոխանակումն ու գիտական քննարկումները՝ աջակցելով բուժքույրերի մասնագիտական զարգացմանն ու առաջնորդական կարողությունների ամրապնդմանը։
• Նպաստել առողջապահության ոլորտում կրթության, նորարարության և հետազոտությունների միջոցով համակարգային փոփոխությունների իրականացմանը։

Թիրախային լսարան

Այս միջազգային գիտաժողովը միավորում է առողջապահության և ակադեմիական ոլորտի մասնագետների, ովքեր հետաքրքրված են քույրական գործի զարգացման, բուժքույրական կրթության, բուժքույր հետազոտողների և առաջնորդերի առաջխաղացմամբ։ Համաժողովը հարթակ է ստեղծում Հայաստանի և տարբեր երկրների մասնագետների միջև համագործակցության, փորձի փոխանակման և նոր կապերի ձևավորման համար։

Համաժողովը նախատեսված է՝

• բուժքույրական ծառայությունների ղեկավարների և առողջապահական կազմակերպիչների,
• բուժքույրական կրթությամբ զբաղվող դասախոսների և ակադեմիական մասնագետների,
• կլինիկական բուժքույրերի և գործնական առողջապահական մասնագետների,
• բուժքույրական կրթություն ստացող ուսանողների և մագիստրոսների,
• բուժքույրության և առողջապահական ոլորտում հետազոտողների,
• առողջապահության ոլորտի քաղաքականություն մշակողների և կառավարման մասնագետների,
• ինչպես նաև հարակից առողջապահական ոլորտների ներկայացուցիչների համար։

Մասնակցության առավելությունները

Համաժողովի մասնակիցները հնարավորություն կունենան՝

• ծանոթանալու բուժքույրության և առողջապահության ոլորտի արդի միտումներին, նորարարություններին և միջազգային լավագույն փորձին,
• ներկայացնելու սեփական հետազոտությունները, մասնագիտական փորձն ու կրթական ծրագրերը,
• լսելու և քննարկումների մասնակցելու ճանաչված հայ և արտասահմանյան մասնագետների հետ,
• ընդլայնելու մասնագիտական կապերը և ձևավորելու միջազգային համագործակցություններ,
• զարգացնելու իրենց կլինիկական, կրթական, հետազոտական և առաջնորդական հմտությունները,
• ներդրում ունենալու բուժքույրական ծառայությունների և առողջապահական համակարգի որակի բարելավման գործում,
• ստանալու մասնակցության պաշտոնական հավաստագիր։